दंतेवाड़ा जिला के आंगनबाड़ी केंद्र के दयनीय स्थिति ल जनदर्शन मं रखे गीस: जोशी
दंतेवाड़ा जिला के ग्राम पेरपा, पटेल पारा मं बने आंगनबाड़ी केंद्र के दयनीय स्थिति ल लइके श्री प्रवेश कुमार जोशी कलेक्टर जनदर्शन मं ऑनलाइन आवेदन जमा करे हावय। ये आंगनबाड़ी केंद्र सन 2012 मं बने रहिस, फेर अब ये किराया के एक ठन कच्चा मकान मं चलत हावय, जऊन के हालत बहुत खराब हावय।
मुख्य समस्या:
- बुनियादी सुविधा के कमी
- केंद्र मं सफाई व्यवस्था के अभाव
- कच्चा माटी के फर्स, जेखर से संक्रमण अउ अस्वास्थ्यकर हालात के डर
- बच्चों अउ गर्भवती मन बर सुसर सुविधा नइये
- जंगल से लगे होय से सांप-बिच्छू के खतरा
सुरक्षा अउ स्वास्थ्य:
ये केंद्र मं 6 महिना से 3 बछर के 11 झन नन्हें- मुन्ना, 3 से 6 बछर तक के 18 झन बालक अउ 2 गर्भवती महिला जावत हावंय, जऊन मन असुरक्षित अउ अस्वस्थ हालत मं हावंय।
श्री जोशी ह कलेक्टर महोदय ल निवेदन करे हावय कि संबंधित विभाग ल तुरते निरीक्षण करे के निर्देश मिलय अउ फोटो/वीडियो प्रमाण के साथ रिपोर्ट प्रस्तुत करे जाय। ओमन प्रधानमंत्री/मुख्यमंत्री योजना के तहत एक ठन नवा मॉडल आंगनबाड़ी केंद्र बनाय बर अनुरोध करे हावंय, जेखर मं हर सुविधा होही।
आधिकारिक कार्यवाही:
कलेक्टर ह मुख्य कार्यपालन अधिकारी, जनपद पंचायत कुआकोंडा ल पत्र क्रमांक 2005/दिनांक 20-02-2025 के माध्यम से निर्देश दे हावय कि आंगनबाड़ी भवन के अपूर्ण निर्माण कार्य ल तुरते पूरा करे जाय अउ संबंधित फोटोग्राफ्स अउ प्रतिवेदन जिला कार्यालय मं जमा करे जाय।
श्री जोशी कहे हावंय कि आंगनबाड़ी भवन के पूरा होय से गाँव के बच्चों अउ गर्भवती महिलाओं ल शिक्षा, स्वास्थ्य अउ पोषण आहार के पूरा लाभ मिलही।
कलेक्टर जनदर्शन मं ये मामला रखे जाना आंगनबाड़ी केंद्र के स्थिति सुधारने के एक ठन महत्वपूर्ण कदम हावय। गाम के लोग श्री जोशी के पहल के सराहना करथें अउ कलेक्टर मयंक चतुर्वेदी जी के सक्रिय अउ सशक्त कार्यशैली ल प्रशंसा करथें। अब आशा हावय कि जल्दे समस्या के समाधान होही।